LIVE TV
ഗാട്ട ഗുസ്തി 2 എന്ന പുതിയ സിനിമയുടെ പ്രമോഷന് തിരക്കുകളിലാണ് ഇപ്പോള് നടന് വിഷ്ണു വിശാല്. ഇതിനിടെ നടന്റെ ശരീരത്തിൽ ഉണ്ടായ മാറ്റങ്ങൾ ആരാധകർ ശ്രദ്ധിച്ചിരുന്നു. ഇപ്പോഴിതാ ഓട്ടോഇമ്മ്യൂൺ രോഗവുമായുള്ള പോരാട്ടത്തിലാണ് താനെന്ന് വെളിപ്പെടുത്തിയിരിക്കുകയാണ് നടനും നിർമാതാവുമായ വിഷ്ണു വിശാൽ. ശാരീരിക ബുദ്ധിമുട്ടുകൾ ഉണ്ടെങ്കിലും 'ഗാട്ട ഗുസ്തി 2' എന്ന ചിത്രത്തിന് വേണ്ടി അശ്രാന്തം പരിശ്രമിച്ച അണിയറപ്രവർത്തകരോടുള്ള ഉത്തരവാദിത്തവും ആരാധകരുടെ സ്നേഹവുമാണ് പ്രമോഷൻ വേദികളിൽ സജീവമായി തുടരാൻ തനിക്ക് കരുത്ത് നൽകുന്നതെന്നും അദ്ദേഹം പറഞ്ഞു. സോഷ്യൽ മീഡിയയിൽ പോസ്റ്റ് പങ്കിട്ടാണ് പ്രതികരണം.
‘‘എല്ലാവർക്കും നമസ്കാരം, ആദ്യമായി, നിങ്ങളുടെ കമന്റുകളിലൂടെയും മെസ്സേജുകളിലൂടെയും നിങ്ങൾ കാണിച്ച സ്നേഹത്തിനും കരുതലിനും ഒരുപാട് നന്ദി. ഇത് എനിക്ക് ഏറെ വിലപ്പെട്ടതാണ്, അതുകൊണ്ട് തന്നെയാണ് ഇത് നിങ്ങളുമായി നേരിട്ട് പങ്കിടണം എന്ന് ഞാൻ ആഗ്രഹിച്ചതും. കഴിഞ്ഞ കുറച്ചു നാളുകളായി എന്റെ മുഖം വളരെ ക്ഷീണിതമായി കാണപ്പെടുന്നു എന്ന് നിങ്ങളിൽ പലരും ശ്രദ്ധിച്ചിരുന്നു. അതിനുള്ള കാരണം, കഴിഞ്ഞ 3-4 വർഷമായി ഞാൻ ഒരു ഓട്ടോഇമ്മ്യൂൺ രോഗാവസ്ഥയിലൂടെയാണ് കടന്നുപോകുന്നത്. ഇതിനായി ഞാൻ ഇടയ്ക്കിടെ കഴിക്കുന്ന മരുന്നുകൾക്ക് ചില പാർശ്വഫലങ്ങളുണ്ട്. നിങ്ങൾ എന്റെ മുഖത്ത് കണ്ട വീർപ്പ് അതിലൊന്നാണ്.
ചികിത്സ എനിക്ക് അനിവാര്യമാണ്, എന്റെ ആരോഗ്യത്തിനാണ് ഇപ്പോൾ പ്രഥമ പരിഗണന നൽകുന്നത്. എങ്കിലും, നിങ്ങളുടെ സ്നേഹവും, ഞാൻ വിശ്വസിക്കുന്ന എന്റെ ജോലിയും, 'ഗാട്ട ഗുസ്തി 2' എന്ന ചിത്രത്തിന് വേണ്ടി അശ്രാന്തം പരിശ്രമിച്ച എല്ലാവരോടുമുള്ള എന്റെ ഉത്തരവാദിത്തവുമാണ് എന്നെ മുന്നോട്ട് നയിക്കുന്നത്. അതുകൊണ്ടാണ് സിനിമയുടെ പ്രമോഷനുകളിലും നിങ്ങൾക്കുമുന്നിലും ഞാൻ ഇപ്പോഴും സജീവമായി പങ്കെടുത്തുകൊണ്ടിരിക്കുന്നത്. എന്റെ ആരോഗ്യം ഉടൻ തന്നെ മെച്ചപ്പെടുമെന്ന് ഞാൻ പ്രതീക്ഷിക്കുന്നു.
ഓരോ സന്ദേശങ്ങൾക്കും നിങ്ങളുടെ പിന്തുണയ്ക്കും ഞാൻ ആത്മാർത്ഥമായി നന്ദി പറയുന്നു. പ്രമോഷന്റെ അവസാന വാരത്തിലേക്ക് കടക്കുമ്പോൾ, ഞാൻ തികഞ്ഞ പോസിറ്റിവിറ്റിയിലും ആവേശത്തിലുമാണ്. ജൂലൈ 3-ന് തിയേറ്ററുകളിൽ എത്തുന്ന 'ഗാട്ട ഗുസ്തി 2' നിങ്ങളെല്ലാവരും കാണാൻ ഞാൻ ആകാംക്ഷയോടെ കാത്തിരിക്കുന്നു. ഒരുപാട് സ്നേഹത്തോടെ,വിഷ്ണു വിശാൽ.’’
Content Highlights: Tamil actor Vishnu Vishal has opened up about his ongoing health battle, revealing that he is taking medication for an autoimmune disease. Sharing the update with his followers, the actor spoke about the challenges of living with the condition while maintaining a positive outlook. His candid revelation has drawn support from fans and colleagues, who have wished him a speedy recovery.
